Pas fitores në Krujë, një javë më parë, Laszlo Szasz ka fituar edhe në “Kulla 2024”.
Garuesi nga Kroacia, me Reynard, shtegun me gjatësi 5.6 kilometra e kaloi për 03:08.28 (që është edhe rekord i shtegut) dhe 03:12.709 minuta, koha e përgjithshme 06:20.737 minuta, shpejtësia mesatare 105.899 kilometra në orë.
I dyti në plasmanin e përgjithshëm për FIA CEZ u rendit garuesi nga Shqipëria, Gentjan Shaqiri.
Ai, me Tatuus, në krahasim me fituesin ishte më i ngadalshëm për 023.768 sekonda (03:24.634 dhe 03:19.871 minuta).
Podiumi i fituesve u plotësua me Gazmend Demollin, i cili pas vozitjes së parë e pati kohën më të mirë, por në të dytën pati probleme.
Demolli me Radicall SR8 LM pati kohë 03:11.177 dhe 03:43.871 minuta.
Ndërkohë, Gazi doli i pari në plasmanin e përgjithshëm për kampionatin vendor.
I dyti u rendit Përparim Dushi, ndërsa i treti Flamur Ismajli.
Në konkurrencën ekipore, pozita e parë i takoi Prishtina Racing Team, para AK Prizreni D&G e AK Ferizaj.
