Duke folur në studiot e “Sky Sport”, Alesandro del Piero komentoi fjalët e Lautaro Martinez, i cili pas ndeshjes me Arsenalin deklaroi se dëshironte të fitonte gjithçka mes titullit dhe Champions-it.
“Lautaro bën mirë që mendon kështu. Për cilësitë që ka dhe klubin ku ndodhet mendoj se kjo ambicie është e drejtë. Aq më tepër për dikë që mban shiritin tek një klub i madh si Interi. Të thuash ‘duam të fitojmë’ nuk është gabim. Edhe nëse nuk ndodh, nuk do të thotë se ke dështuar, edhe të tjerët janë aty për të fituar. Nuk është një dështim nëse objektivat nuk arrihen kur rivalët tregohen më të zotë”, deklaroi legjenda e Juventusit që aktualisht mbulon rolin e opinionistit sportiv.
PANORAMASPORT.AL
