Inter po përballet në transfertë ndaj Como, në sfidën e javës së 32-të në Serie A. Pjesa e parë është mbyllur 2-1 për vendasit. Zikaltrit kanë një mungesë të madhe për këtë takim që është Lautaro Martinez. I rikthyer vetëm pak ditë më parë nga dëmtimi që e la jashtë fushe për 6 javë, Lautaro pësoi së fundmi një tjetër tërheqje muskulore dhe do të mungojë për të paktën 15 ditë.
Por, për habinë e të gjithëve argjentinasi gjendet në stolin e zikaltërve tani ndaj Como. Arsyeja pse kapiteni ka vendosur të jetë i pranishëm në stol është për t’i dhënë forcë dhe mbështetje të plotë shokëve të ekipit, që në rast fitoreje sot, diferenca ndaj vendit të dytë shkon plot 9 pikë.
Nuk është hera e parë që Lautaro edhe pse i dëmtuar vendosë të qëndrojë në stol. Të njëjtën gjë bëri edhe në derbin ndaj Milanit, pak javë më parë.
