Lajm aspak pozitiv për trajnerin Simone Inzagi në prag të ndeshjes me Leçen. Lautaro Martinez nuk është stërvitur me ekipin dhe rrezikon ta humbasë këtë sfidë. Taremi është gati.
Nëse është dikush që mund ta bëjë Interin e Inzagit që të “xhirojë” më mirë dhe të funksionojë ashtu siç duhet, ai është Hakan Çalhanoglu. Deputimi i tij aspak pozitiv në Xhenova është një kujtim i freskët, por turku dhe i gjithë Interi duan menjëherë që të japin një përgjigje të menjëhershme dhe bindëse për t’u rikthyer nëstandardet e vendosura një vit më parë. Sirenat e merkatos në fundin e qershorit dhe një interesim i mundshëm nga Bajerni janë thjesht një kujtim.
Hakan Çalhanoglu kërkon që të rikthehet aty ku ndaloi vitin e kaluar. Ish-lojtari i Milanit, kundër Xhenoas tregoi që nuk është ende në kushtet optimale fizike, por ditën e sotme kundër Leçes kërkon që të iluminojë manovrën zikaltër, ashtu siç vetëm ai di të bëjë. MBROJTJA- Por përgjigjet priten gjithashtu edhe nga reparti i mbrojtjes, ku Açerbi dhe Bastoni pritet që të jenë sërish titullarë dhe më të vëmendshëm për të korrigjuar gabimet e sfidës me Xhenoan. Ndërkohë që Bisek duket se do të qëndrojë në stol sepse fanellën e titullarit ia ka marrë Pavar.
TË TJERËT- Henrik Mkitarian gjithashtu ishte një nga lojtarët që stonoi në sfidën e parë të kampionatit duke qenë larg formës së tij të sezonit të kaluar. Trajneri ka presionin e Fratezit, por edhe Zielinski do të jetë në stol për këtë. “San Siro”është i ezauruar totalisht dhe pret fitoren e parë të këtij sezoni. Jo vetëm fitore, madje bindëse.
PANORAMASPORT.AL
