Ardian Ismajli po luan sezonin më të mirë në karrierën e tij, ndaj dhe interesi për të nga disa klube në Serie A ka qenë i vazhdueshëm.
Është përfolur shumë ditët e fundit për një transferim drejt Lazio-s, por klubi bardhekaltër është detyruar të tërhiqet nga gara për mbrojtësin e Shqipërisë.
“Il Messaggero” raporton se Lazio është tërhequr nga gara pasi nuk mund ta regjistrojë Ismajlin pa shitur më parë lojtarë dhe për shkak të rregullit të përfshirjes së futbollistëve nën 22 vjeç.
Kontrata e Ismajlit me Empolin skadon në fund të këtij sezoni dhe largimi i tij është i pashmangshëm. Destinacioni i ri mund të jetë dhe Napoli, aty ku do të bënte dyshen e qendër mbrojtjes bashkë me Rrahmanin.
