Dje në 17:30 Milani kreu stërvitjen e fundit dhe mungesat e vetme ishin ato të të dëmtuarve si Ibra dhe Benaser.
Për t’u theksuar prania me grupin e Kruniçit dhe Mesiasit, por edhe Florencit.
Sot, si braziliani, ashtu edhe boshnjaku do të grumbullohen normalisht, madje ky i fundit ka shanse të larta për të qenë në formacion krah Tonalit në mesfushë.
Siç edhe pritej, më shokët u stërvit Rafael Leao.
Pavarësisht se skuadra duhej të ishte në qendrën stërvitore në 13:00, portugezi u paraqit në 11:30.
Fillimisht terapi me fizioterapistët dhe më pas drekë me disa lojtarë, që gjithashtu kishin ardhur në “Milanello”.
Në 17:30 nisi edhe stërvitja, e cila e pa protagonist për shkak të vëmendjes karshi tij. 23-vjeçari u stërvit rregullisht me shokët dhe mori pjesë në ndeshjen e kontrollit.
Sinjale pozitive, por sot do të ketë një tjetër vlerësim të situatës së tij, e më pas do të vendoset përdorimi dhe minutazhi, por gjasat janë që të jetë titullar.
