Rafael Leao është kthyer në idhullin e tifozëve të Milanit dhe më shumë tani që ka rinovuar për 5 sezonet e ardhshme. Ylli portugez ka qenë një nga më të rëndësishmit te kuqezinjtë duke ndihmuar jo pak për të rikthyer skuadrën te titulli kampion. Në një intervistë për “Sky Sport”, ai ka folur për firmën me Milanin si edhe ka një premtim.
“Me Milanin kam një pakt dashurie, vendimi ishte tashmë në kokën time. Ishte vetëm çështje e kohe edhe sepse para se të nënshkruaja doja të arrija në finalen e Ligës së Kampionëve. Ishte një vit i rëndësishëm për mua, tregova se çfarë mund të bëj.
U befasova nga largimet e Tonalit dhe Maldinit. Tonali është një tifoz dhe na ka ndihmuar në titullin kampion por u vendos të shitet dhe i uroj suksese. Te Milani erdha sepse më telefonoi Maldini dhe më ka ndihmuar shumë, në fushë dhe jashtë saj.
Kam menduar të bëja një tatuazh për titullin kampion që kam fituar sezonin e kaluar por nëse fitojmë titullin tjetër, do të bëj dy yjet”, u shpreh Leao.
PANORAMASPORT.AL
