Mes protagonistëve të ndeshjes mes PSG-së dhe Milanit, një nga më të priturit është sigurisht Leao. Portugezi do të jetë titullar në treshen e sulmit të Milanit, së bashku me Pulisiçin dhe Zhirunë.
Shumë trajnerë do të donin të ishin në vendin e Stefano Piolit dhe të mund të përbënin një kërcënim për kundërshtarët e nivelit të Leaos.
Shumë, por jo të gjithë, jo Arrigo Saki, i cili deklaroi: “Leao nuk do të luante me mua as te Milani e as tek Italia. Para se të nënshkruaja me një lojtar, e shikoja shumë në aspektin e personalitetit. Dhe nëse nuk ke lindur me një temperament të caktuar, është e vështirë ta përvetësosh.
Leao ka shumë cilësi dhe unë mendoj se ai është absolutisht një djalë i mirë. Në futboll, megjithatë, luan me njëmbëdhjetë lojtarë, të gjithë duhet të vrapojnë dhe të kenë një pozicion në fushë. Të gjithë vraponin te Milani im, ndërsa Leao ndonjëherë nuk e bën e kjo nuk tolerohet”.
PANORAMASPORT.AL
