Ish-qendërsulmuesi i Anglisë, një nga personazhet më të njohur të televizionit britanik, Gary Lineker, ka shpallur lamtumirën e tij nga BBC.
Protagonist i polemikave të shumta të viteve të fundit për shkak të pozicioneve të tij progresive, kryesisht për çështjet që lidhen me emigracionin, Lineker do të largohet nga drejtimi i “Match of the Day” majin e ardhshëm, duke ndërprerë përfundimisht të gjitha angazhimet me rrjetin kombëtar britanik kur kontrata aktuale skadon pas Kupës së Botës 2026.
Ish-drejtori i përgjithshëm i BBC, Greg Dyke, i cili në më shumë se një rast kishte hyrë në një kurs përplasjeje me Lineker për komentet e tij të shpeshta, madje edhe të natyrës politike, e komentoi largimin e ‘yllit’ televiziv si një ndryshim fiziologjik, pas 26 vitesh drejtimi i një prej programeve më të ndjekur.
Lineker ka punuar në TV që nga viti 1999, menjëherë pas ‘varjes së këpucëve’, në fund të një karriere gjatë së cilës veshi fanellat e Leicesterit, Tottenhamit, Barcelonës, përpara një eksperience edhe në Japoni.
Ai shpejt u bë, falë humorit të tij të mprehtë anglez dhe njohurive të thella të lojës, një nga komentuesit më të njohur në televizionin publik, duke fituar gati dy milionë euro në vit.
