Sipas “Gazzetta dello Sport”, Paulo Fonseca duhet të zyrtarizohet si trajner i Milanit të mërkurën ose të enjten e ardhshme, pasi u njoftua largimi i tij nga komanda teknike e Lille.
Trajneri portugez i thotë lamtumirë klubit francez, ku ishte për dy sezone, dhe zëvendësohet nga Bruno Génésio.
Mauro Tassotti, ish-lojtar dhe ndihmëstrajner i klubit italian, ka komentuar emërimin e mundshme të trajnerit portugez, duke e vlerësuar shumë dhe duke treguar se e njeh prej disa vitesh:
“Paulo Fonseca është një trajner i mirë. E kam njohur kur kam punuar në Ukrainë me ekipin kombëtar.
Kemi folur shumë me të, është shumë i përgatitur. Pra, për të qenë i suksesshëm në Milano, ju duhet edhe diçka më shumë, jo vetëm aftësi. Duhet të menaxhosh gjithë botën”, ka shpjeguar ai në një intervistë për TV Play.
