Qendra e grumbullimit të Francës nuk është aspak e qetë. Performanca e lojtarëve nuk ka kënaqur Deshamp, i cili në fund të ndeshjes ka kritikuar ashpër lojtarët, të cilët u aktivizuan pas 45’ të para zhgënjyese me Poloninë.
Thuhet se trajneri nuk ishte i kënaqur me Zhiru, Grizman dhe Kamavingën. Me mesfushorin e Realit, Deshamp kishte edhe problemin më të madh pasi sipas “L’Équipe” në përfundim të ndeshjes me Poloninë e ka marrë mënjanë dhe e ka qortuar me tone të ashpra.
Nga ajo që është kuptuar trajneri nuk ka pritur mirë sjelljen e lojtarit në fushë. Ai është rrëzuar disa herë, por edhe nuk ka dhënë atë çfarë pritej prej tij pas aktivizimit.
Debati me tone të larta ka vazhduar dhe Deshamp edhe një ditë më parë është parë teksa i është afruar Kamavingës për tu sqaruar. Nga ajo çfarë thonë gazetarët prezent nëgrumbullimin e Francës, Kamavinga është parë teksa ka treguar më shumë se një herë barin dhe me sa kuptohet i ka shpjeguar trajnerit se terreni ishte i rrëshqitshëm në ndeshjen kundër Polonisë.
