Lëvizjet e fundit të drejtuesve të Milanit

Milani mendon për fushën, por jo vetëm.

Në fakt, ata që nuk mendojnë vetëm për rezultatet janë drejtuesit, saktësisht fondi “RedBird”.

Thashethemet për një hyrje të mundshme në kompaninë e aksionareve të tjerë kanë qarkulluar prej javësh, me disa udhëtime në Lindjen e Mesme nga Kardinale dhe Furlani.

Objektivi i pronësisë së kuqezinjve është të përfshijë partnerë të rinj potencialë në projektin e Milanit në mënyrë të tillë që të shlyejë kredinë e shitësit prej 550 milionë (plus interes në 7%, një shifër e pa konfirmuar zyrtarisht) ndaj fondit “Elliott” të familjes Singer në afate sa më të shpejta që të jetë e mundur.

Për “La Repubblica”, marrëveshja do të kishte nisur, edhe pse ka pasur përgënjeshtrime jozyrtare në lidhje me faktin se partneri i ri mund të ishte “Investcorp”, fondi arabik i cili ishte interesuar për aksionet e “djallit” edhe përpara blerjes së tyre nga ana e Xherri Kardinales.