Struktura kockore e Noah Lyles ka qenë vendimtare në garën, e cila vendosi njeriun më të shpejtë në botë. 20 vite kishin kaluar nga hera e fundit kur Shtetet e Bashkuara të Amerikës kishin fituar medalje të artë në garën e 100 metrave. Suksesin e arritur nga Gatlin në Lojrat Olipike Athinë 2004 e përsëriti Lyles, i cili edhe pse preu finishin së bashku me Kishane Thomson me kohën 9.79 mori medaljen e artë.
Rregullorja flet qartë me amerikanin, i cili i mori të artën xhamajkanit pasi ishte vetëm 0.005 sekonda më i shpejtë. Sipas ekspertëve të kësaj gare mësohet se një faktor i rëndësishëm ka qenë edhe skeleti i Lyles. Fakti se qafa e tij është shumë pranë klavikulës ka bërë që sprintieri të fitojë të artë pasi në fotofinish duket qartë se kraharori i tij qëndron përpara atij të Thomson. Vetëm struktura kockore e dy atletëve thuhet se ka bërë diferencën në një garë, e cila do të futet në histori. Sipas rregullores përparësi ka atleti, i cili kalon kraharorin i pari në vijën e finishit.
Gara e djeshme ka qenë një nga më të luftuarat në historinë e Olimpiadës pasi vendi i tetë prei finishin vetëm 0.12 sekonda pas të të parit.