Ronaldo paralajmëron kundërshtarët: Shpresojmë t’i fitojmë të gjithë trofetë
Cristiano Ronaldo pret që të fitojë të gjithë trofetë e mundshëm sezonin e ardhshëm.
Ylli portugez foli nga Japonia, atje ku po kryen turneun para-sezonal me Al-Nassr.
“Shpresojmë t’i fitojmë të gjithë trofetë. E dimë se do të jetë shumë e vështirë, por kemi një skuadër të mirë, një trajner të ri dhe lojtarë të rinj”, tha ai.
Ekipi saudit sezonin e ardhshëm do të drejtohet nga Luis Castro.
“Ambiciet janë të njëjta me vitin e kaluar. Ne duam të kemi një sezon të mirë dhe unë dua të fitoj disa trofe këtë vit. Të shohim se çfarë do të ndodhë”, shtoi 38-vjeçari.
Kujtojmë se në sezonin e fundit Al-Nassr nuk e fitoi asnjë trofe.
