Në pritje të 90’ të fundit të takimeve të vlefshme për fazën e parë të Ligës së Europës, UEFA ka bërë publike rregullat e shortit, i cili do të mbahet nesër në orën 13:00.
Siç dihet tetë skuadrat e para do të bëjnë pushim dhe nuk do të marrin pjesë në play-off ku do të luajnë ekipet e renditura nga vendi 9 deri në atë të 24.
Sa i përket shortit skuadrat e renditura mes vendeve 9-16 do të konsiderohen si koka serie dhe do të shortohen me skuadrat e vendeve 17-24.
Shorti do të jetë mes vendeve 9 ose 10 kundër 23 ose 24, 11 ose 12 kundër 21 ose 22, 13 ose 14 kundër 19 ose 20, 15 ose 16 kundër 17 ose 18. Fitueset e play-off do të sfidojnë tetë ekipet e para, të cilat janë kualifikuar direkt.
