Ndeshjet e sotme në Ligën e Kampioneve kanë shtuar në listën e skuadrave të kualifikuara më tej në këtë turne edhe Kopenhagën dhe Napolin. Të dy skuadrat kanë kaluar nga grupet përkatës dhe është krijuar një ide pak më e qartë edhe e pozicionimit në vazo të shumë prej ekipeve të kualifikuara, që tani janë 14 të tilla.
Bajern Mynih, Arsenal, Real Madrid, Real Sociedad dhe Mançester Siti janë në vazon kryesore. Atletiko Madrid, Lacio, Borusia Dortmund dhe Barcelona presin të mësojnë nga ndeshjet e nesërme se në cilën vazo do të jenë, nëse do të fitojnë grupin apo do të dalin në vendin e dytë.
Ndërkohë Kopenhaga, PSV, Napoli, Interi dhe Lajpcig janë të sigurta për vazon e dytë në short, e do të peshkojnë në short një nga superfuqitë e vazos së parë.
PANORAMASPORT.AL
