Liga e Kampioneve ka mësuar pas mbylljes së ndeshjeve të play-off të gjitha ekipet protagoniste të fazës së grupeve të saj, me shortin e aktivitetit që do të hidhet këtë të enjte pasdite në një ceremoni të organizuar nga UEFA. Do të jetë një short mjaft interesant pasi në bazë të renditjes së koeficienteve, ka skuadra të forta në secilën vazo.
Për shumëkënd, vazoja e dytë është po aq e fortë sa e para me emra si Real Madrid, Mançester Junajtid, Inter, Borusia Dortmund apo Arsenal që janë pjesë e saj.
Ndërkohë, Milani është ekipi për t’u shmangur në vazon e tretë dhe rrezikon që të përfundojë në një “grup ferri” në bazë të kombinimeve që mund të dhurojë shorti.
Në vazon e katërt ka gjithashtu ekipe që duhen shmangur për shkak të përbërjeve që kanë, si Gallatasaraj, Union Berlin që po bën mirë në Gjermani apo Njukasëll që është përforcuar ndjeshëm falë investimeve të sheikëve arabë.
VAZO 1
Mançester Siti, Sevilja, Barcelona, Napoli, Bajern Mynih, PSG, Benfika, Fejnord
VAZO 2
Real Madrid, Mançester Junajtid, Inter, Borusia Dortmund, Atletiko Madrid, RB Lajpcig, Porto, Arsenal
VAZO 3
Shakhtar Donjetck, RB Salcburg, Milan, Braga, PSV, Lacio, Crvena Zvezda, Kopenhagë
VAZO 4
Jang Bojs, Real Sociedad, Gallatasaraj, Sëlltik, Njukasëll, Union Berlin, Antverp, Lens
PANORAMASPORT.AL