Franca dhe Italia kanë shënuar fitore të rëndësishme në grupin A2 të Ligës së Kombeve.
“Xhelat” si vendës mposhtën sonte kombëtaren e papërshtatshme të Belgjikës me rezultat 2:0, duke kthyer shpresat në luftën për vendin e parë në grup pas humbjes ndeshjen e parë nga Italia.
Autori i golit të parë në stadiumin “Groupama” të Lionit ishte Randal Kolo Muani në minutën e 29-të pas asistimit të Ousmane Dembele. Ky i fundit ndërkaq shënoi golin e dytë për kombëtaren franceze në minutën e 57-të, pas asistimit të N’Golo Kante.
Në ndeshjen tjetër, të përzgjedhurit e trajnerit Luciano Spaletti u treguan më të mirë në udhëtim duke e mposhtur Izraelin me rezultatin 2:1. Golat për “azzurët” i shënuan Davide Frattesi në minutën e 38-të, pas asistimit të Federico Dimarco dhe Moise Kean në minutën e 62-të.
Golin e vetëm për Izraelin në këtë ndeshje e shënoi Abu Fani në minutën e 90.
Ndeshja u zhvillua në terrenin neutral, “Bozsik Arena” të Budapestit, për shkak të situatës në Izrael.
“Azzurët” prijnë në tabelë me gjashtë pikë, pasuar nga Franca e Belgjika me nga tri, ndërsa Izraeli renditet i fundit pa asnjë pikë.
Kujtojmë, Italia mposhti Francën në ndeshjen e parë të grupit si mysafire më 6 shtator – 3:1, ndërsa Belgjika ishte më e mirë si vendëse ndaj Izraelit – 3:1.
Më 10 tetor Izraeli do të luajë kundër Francës, ndërsa Italia pret në stadiumin e saj Belgjikën. Katër ditë më vonë përballen Belgjikë-Francë dhe Itali-Izrael. Ndeshjet përmbyllëse të grupit zhvillohen më 17 nëntor – Izrael-Belgjikë dhe Itali-Francë.
