Titulli kampion në Serinë A do të vendoset vetëm në javën e fundit, me Napolin që ka një pikë avantazh ndaj Interit dhe në teori, edhe mund ta humbasë atë. Por pakkush mendon se kjo do të jetë e mundur pasi në ndeshjen e fundit luan në shtëpi ndaj Kaljarit, një skuadre e cila ka siguruar qetësisht mbijetesën në elitë.
Ndaj për thuajse të gjithë është e sigurt se trofeu do të shkojë në Napoli për herë të dytë në tre vitet e fundit dhe këtë bindje kanë edhe në Ligën e Serisë A. Organizatorët e aktivitetit, kanë përgatitur për këtë të premte vetëm një ceremoni për dorëzimin e trofeut të titullit, atë në stadiumin “Maradona” të Napolit.
Pra me pak fjalë nëse ndodh mrekullia për Interin dhe titulli kampion përfundon në duart e zikaltërve, ata do të mbyllin kampionatin në fushën e Komos pa trofeun që në teori duhej t’i dorëzohej menjëherë pas fundit të aktivitetit. Nëse ndodh e papritur, Liga e Serisë A ka vendosur të zhvillojë një ceremoni në ditë tjetër.
PANORAMASPORT.AL
