Kampionati francez rifillon me një rekord jo të mirë. Në fundjavën hapëse të Ligue 1, u shënuan vetëm 17 gola në nëntë ndeshje, me një mesatare prej 1.9 golash për ndeshje. Sipas të dhënave të Opta-s, kjo është hera e parë që nga sezoni 2015-16 që java hapëse e kampionatit ka qenë kaq e ulët në emocione.
Dhjetë vjet më parë, numri i përgjithshëm i golave ishte i njëjtë (17), por me një ligë që kishte 20 ekipe në vend të 18, me një mesatare prej 1.7 golash për ndeshje.
Barazimi spektakolar 3-3 midis Brest dhe Lille ndihmoi, duke shmangur një statistikë edhe më zhgënjyes. E vetmja ndeshje tjetër me një numër të lartë golash ishte fitorja 3-1 e Monacos kundër Le Havre. Për pjesën tjetër, mbizotëroi mërzia: shtatë nga nëntë ndeshjet përfunduan me rezultatin 1-0.
