Liria e Prizrenit ka përforcuar radhët me portierin Arlis Shala.
Liria pretendon të jetë sa më e kompletuar për edicionin e ri në elitën futbollit të Kosovës.
“Arlis Shala nënshkruan me Lirinë!
Ai, është përforcimi i radhës, duke forcuar portën bardhezi”, njofton FC Liria.
“Jam i lumtur për marrëveshjen.
Liria është mundësi e mirë.
Pres që krahas ngritjes profesionale, të arrijmë objektivat me klubin”, ka thënë shtatëlarti Shala.
Ndërkaq, pronari Rahman Kiçe, me këtë rast tha: “po e kompletojmë skuadrën transfer pas transferi. Do të bëjmë një ekip konkurrues“. Javën që vije, pritet arritja e futbollistëve cilësor, që do ta bëjnë dallimin”.
Ai, dy vitet e fundit ishte tek Kastrioti (Shqipëri) dhe Drenica.
Teilen:
