Federata e Futbollit e Kosovës ka publikuar listën e futbollistëve të ftuar për ndeshjet e muajit nëntor.
Përzgjedhësi Primoz Gliha ka ftuar 23 futbollistë në grumbullimin e muajit nëntor, shkruan lajmi.net.
Trajneri slloven në këtë grumbullim ka ftuar edhe pesë futbollistë nga klubet e Superligës së Kosovës.
Portieri i Dukagjinit, Kenan Haxhihamza, dyshja e Ballkanit, Lumbardh Dellova e Qëndrim Zyba dhe dyshja e Llapit, Ilir Krasniqi e Muhamet Hyseni janë lojtarët e Superligës që janë ftuar te Kosova.
Kosova më 12 nëntor pret Izraelin në stadiumin “Fadil Vokrri” në Prishtinë, teksa më 18 nëntor luajnë në udhëtim te Zvicra.
“Dardanët” përmbyllin muajin nëntor me ndeshjen kundër Bjellorusisë në Prishtinë, më 21 nëntor./Lajmi.net/
