Borusia Dortmund dhe Real Madrid përballen sot në Londër në stadiumin mitik “Uembli” për trofeun e Ligës së Kampioneve, në një finale që i jep fund një sezoni futbollistik të jashtëzakonshëm për të dy skuadrat në arenën ndërkombëtare.
Gjermanët kanë kaluar çdo parashikim teksa mbërritën në finalen e turneut duke bërë surpriza të njëpasnjëshme dhe tani kërkojnë të thyejnë edhe një skuadër që nuk di të humbasë kur vjen në këtë pikë.
Ndërsa Reali vjen me petkun e favoritit, të një superekipi që kërkon të çojë në 15 numrin e trofeve të fituar në histori, që e bëjnë këtë praktikisht turneun e preferuar të tyre.
Karlo Ançeloti ka respektuar traditën dhe ka publikuar shumë herët formacionin e ekipit të tij, dy orë e gjysmë para fillimit të ndeshjes, duke mos dhuruar surpriza, pas është konfirmuar Kurtua në portë dhe Kamavinga në mesfushë.
LIVE: BORUSIA DORTMUND – REAL MADRID 0-0
KOMENTI LIVE:
57′ Tjetër mundësi shënimi për Realin, kësaj here ishte Karvahal, por tentativa e tij u ndal nga portieri (VIDEO)
49′ Pranë golit Reali me Toni Kros, që provoi me një tentativë nga goditja e dënimit, por reagim mjaft i mirë i portierit Kobel, që largoi rrezikun në këndore. (VIDEO)
46′ Starton pjesa e dytë!
Mbyllet pjesa e parë!
45′ Akordohen 4 minuta shtesë!
43′ E pëson edhe Sabicer, mesfushori ndëshkohet për protesta ndaj anësorit.
41′ Dortmundi nuk heq dorë nga sulmet e rrezikshme dhe provon me Sabicer, por tentativa e tij ndalet nga Kurtua! Topi shkon në këndore. (VIDEO)
40′ Shoterbek është i ndëshkuari i radhës, për protesta.
34′ Vinicius Zhunior është i ndëshkuari i parë i sfidës me karton të verdhë, për ndërhyrje të gabuar ndaj portierit Kobel.
28′ Tjetër rast goli për Dortmundin, me protagonist Adejemin, por kësaj here ishte Kurtua që i tha “jo”, sulmuesit gjerman. (VIDEO)
23′ Minuta fantastike për Dortmundin, shtylla i mohon golin gjermanëve. Të pafat verdhezinjtë në këto momente. Ishte Fulkryg ai që “flirtoi” me avantazhin, por u ndal nga shtylla. (VIDEO)
21′ E pabesueshme çfarë humbet Adejemi, i vetëm përballë Kurtua! Rast i artë për gjermanët (VIDEO)
20′ Minuta më të mira për Realin, me madrilenët që marrin “frenat” e lojës në dorë dhe ushtrojnë presion të vazhdueshëm në zonën e gjermanëve.
15′ Provon Vinicius me një gjuajtje nga brenda zonës, por topi shkon shumë larg kuadratit.
13′ Loja është e përqëndruar në mesfushë, ende asnjë rast i rrezikshëm në portat respektive. Skuadrat tregohen të kujdesshme.
6′ Dortmundi shfaqet më kërkues në këto minuta, duke fituar goditjen e parë nga këndi.
3′ Pas disa momenteve ndalese për shkak të futjes së tifozëve, ndeshja nga rifilluar sërish!
1′ Ndeshja nis në mënyrë të çuditshme, disa tifozë futen në fushë dhe vrapojnë drejt lojtarëve për të pozuar me ta. Ndalet për disa momente finalja. (VIDEO)
1′ Starton finalja, atmosferë elektrizuese në “Uembli”.
FORMACIONET ZYRTARE
BORUSIA DORTMUND: Kobel, Rjerson, Humels, Skolterbek, Matsen, Sabitcer, Emre Can, Sanço, Brandt, Adejemi, Fulkryg.
Trajner: Edin Terziç
REAL MADRID: Kurtua, Karvahal, Rydiger, Naço, Mendi, Kamavinga, Valverde, Kros, Belingam, Rodrigo, Vinicius.
Trajner: Karlo Ançeloti
📋✅ ¡Nuestro 𝗫𝗜 inicial para la final!
🆚 @BVB#UCLfinal | #APorLa15 pic.twitter.com/2B4HyEtdNa— Real Madrid C.F. (@realmadrid) June 1, 2024
PANORAMASPORT.AL
