PSG dhe Borusia Dormtund do të caktojnë sot mes tyre kush merr biletën e parë për finalen e Ligës së Kampioneve të këtij edicioni. Klubi francez duhet të përmbysë rezultatin e sfidës së parë, ku gjermanët triumfuan me avantazhin minimal 1-0.
Skuadra vendase shihet nga të gjithë si favorite për të shkuar në finale, por duhet ta tregojë në fushën e lojës pas një ndeshje të parë ku shfaqi vështirësi në finalizimin e aksioneve që krijoi. Ndoshta kjo është arsyeja pse Luis Enrike ka vendosur të aktivizojë Gonçalo Ramos nga minuta e parë në qendër të sulmit në vend të Barkola.
Ndërkaq, në radhët e gjermanëve, vihet re mungesa e Guerreiros së dëmtuar. Ashtu si në ndeshjen e parë, do të jetë Fyllkryg në majën e sulmit, me dyshen Sanço-Adejemi në mbështetje të tij.
LIVE PSG-BORUSIA DORTMUND 0-0
NGJARJET KRYESORE
19’ Rast i rrezikshëm për gjermanët, Rajerson gjuan nga e djathta por gjen vetëm rrjetën e jashtme të portës së Donarumës. (VIDEO)
13’ Gonçalo Ramos tenton me një kthesë të shpejtë, sfera nuk gjen portën e skuadrës gjermane. (VIDEO)
12’ Adejemi provon me një gjuajtje me të majtën, sfera devijohet mbi traversë.
7’ Vjen edhe gjuajtja e parë e Mbape drejt portës, Kobel pret në pozicion. (VIDEO)
4’ Hakimi nga e djathta nis topin në qendër për Ramos i cili devijon por duke i çuar sferën në duart Kobel.
3’ Harkim i Matsen në zonë pas një goditje dënimi, Fyllkryg gjuan me kokë por çon lehtë topin në duart e Donarumës.
1’ Nis dueli në Paris.
FORMACIONET ZYRTARE
PSG: Donaruma, Hakimi, Markinjos, Beraldo, N. Mendes, Zaïr-Emeri, Vitinja, F. Ruiz, Dembele, G. Ramos, Mbape.
Trajner: Luis Enrike
BORUSIA DORTMUND: Kobel, Shloterbek, Humels, Matsen, Rajerson, Brandt, Xhan, Sabitzer, Sanço, Adejemi, Fyllkryg
Trajner: Edin Terziç
PANORAMASPORT.AL
