Sot në orën 21:00 ka startuar ndeshja e kthimit e raundit gjysmëfinal të Ligës së Kampioneve, midis Real Madrid dhe Bajern Mynih.
Deri më tani e kemi mësuar se kush do të jetë finalisti i parë, ndërsa sonte do të mësohet edhe i dyti, nëse do të jetë Real Madridi, ekipi më me shumë trofe në historinë e Champions, apo Bajerni, dhe të mund të shikojmë një finale totalisht gjermane në “Uemblei”.
Karlo Ançeloti e ka ekipin të kompletuar në përballjen e sotme dhe ka futur 11 lojtarët më të mirë në dispozicion në fushë. Për sa i përket Tomas Tuhel, vërehet një zgjedhje e çuditshme në rreshtimin e tij, ku mund të shohim që në vend të Goreckas ka vendosur ta startojë sfidën me mesfushorin Pavloviç.
LIVE: REAL MADRID – BAJERN MYNIH 0-0
KOMENTI LIVE:
13′ Drithërima në portë e Bajernit, shtylla dhe Nojer i mohojnë golin Realit. (VIDEO)
8′ Kundërpërgjigjet Bajerni me Gnabrin, por sulmuesi gabon në finalizim, teksa as nuk shënjestron portën dhe as nuk asiston për shokun e skuadrës brenda zonës. (VIDEO)
6′ Minuta mjaft të mira për Realin, që i shkon pranë golit të avantazhit me Rodrigo, por sulmuesi brazilian nuk arrin të devijojë dot topin pavarësisht zgjatjes. Ndërkohë që Bellingham rrëzohet brenda zonë, por nuk ka penallti. (VIDEO)
1′ Reali e nis zjarr sfidën, teksa fiton goditjen e parë nga këndi në sekondën e 17-të me Vinicius.
1′ Starton sfida në “Bernabeu”!
FORMACIONET ZYRTARE
REAL MADRID (4-3-2-1): Lunin; Karvahal, Rydiger, Naço, Mendi; Valverde, Kros, Tçuameni; Bellingam; Rodrigo, Vinicius.
Trajner: Karlo Ançeloti
BAJERN MYNIH (4-2-3-1): Nojer; Mazraui, Dajer, De Ligt, Kimish; Pavloviç, Laimer; Gnabri, Musiala, Sane; Kejn.
Trajner: Tomas Tuhel
PANORAMASPORT.AL
