Real Madrid dhe Atalanta përballen sot në ndeshjen e Superkupës së Europës, ku madrilenët vijnë me petkun e fituesit të Ligës së Kampioneve, ndërsa bergamaskët si fitues të Ligës së Europës.
Pritshmëria e të gjithëve ka qenë për të parë Kilian Mbape më në fund me fanellën e madrilenëve dhe Karlo Ançeloti ka respektuar pritshmërinë duke hedhur në fushë francezin që nga minuta e parë në repartin e avancuar.
Ai do të rreshtohet përkrah Vinbicius dhe Rodrigo, me Bellingam në mbështetje të tyre në ndeshjen e sotme përballë Atalantës ku Berat Gjimshiti do të jetë si zakonisht titullar i paprekshëm në prapavijë.
LIVE REAL MADRID-ATALANTA 1-0
59′ Valverde
NGJARJET KRYESORE
66’ Bellingam nga e majta hyn në zonë dhe tenton të mposhtë Muso, por gjen edhe ai përgjigjen e portierit.
65’ Gjimshiti ndëshkohet me karton të verdhë pas një faulli ndaj Bellingam.
62’ Portieri është vendimtar edhe me një tjetër devijim pas një gjuajtje të devijuar të Bellingam në vijimin e një goditje këndi. (VIDEO)
61’ Vinicius i shmanget pozicionit jashtë loje, gjuan përballë Muso por gjen devijimin e portierit i cili shpëton katërkëndorin. (VIDEO)
59’ GOOOL REAL MADRID! Vinicius nga e majta shmang Gjimshitin dhe pason në qendër për Valverde i cili shtyn topin në rrjetën e boshatisur. (VIDEO)
56’ Madrilenët dominojnë në mbajtjen e topit, por deri tani tentativat e tyre nuk kanë gjetur portën e Muso, si në rastin e fundit të Bellingam i cili gjuajti nga kufijtë e zonës, duke fluturuar sferën mbi traversë.
47’ Mrekulli e Kurtua për të shpëtuar portën! Pas një goditje nga këndi, topi shkon te Pashaliç i cili gjuan me kokë, por gjen një devijim të mrekullueshëm të portierit të Realit. (VIDEO)
46’ Mbape jep shkëndijën e parë duke shmangur Gjimshtin e gjuajtur me të majtën, por pa gjetur portën e Muso. (VIDEO)
46’ Nis pjesa e dytë e ndeshjes pa zëvendësime.
45’+2’ Mbyllet pa gola pjesa e parë.
45’+1’ Vinicius jep një asist perfekt për Rodrigon, gjuajtja e këtij të fundit me të majtën godet traversën e portës së Musos. (VIDEO)
45’ Jepen 2 minuta shtesë.
42’ Vinicius ndëshkohet me karton të verdhë pas një faulli ndaj De Ron.
35’ Vinicius nis një harkim perfekt për Bellingam i cili shmang pozicionin jashtë loje, por jo portierin Muso i cili kontrollon topin para anglezit, që i shkakton faull dhe ndëshkohet me të verdhë. (VIDEO)
34’ Lukman niset në kundërsulm, por Rudiger e ndal me një ndërhyrje vendimtare.
26’ Ederson tenton nga distanca por nuk gjen portën e Kurtua.
24’ Atalanta i afrohet golit! Një harkim nga e djathta devijohet me kokë nga Militao dhe përfundon në traversën e portës së Kurtua. (VIDEO)
16’ Një tjetër pasim nga e djathta e sulmit madrilen nuk devijohet në portë nga Vinicius në shtyllën e dytë.
14’ Valverde nga e djathta pason në zonë për Mbape, gjuajtja e këtij të fundit ndalet nga mbrojtja e Atalantës. (VIDEO)
13’ Lukman nga e majta pason në qendër tokazi, Kurtua pret pa probleme.
9’ Ederson është i pari që ndëshkohet me karton të verdhë pas një serie faullesh të italianëve ndaj futbollistëve madrilenë.
6’ Aksioni i parë i rrezikshëm është i Atalantës me Zapakostën që shfaqet në të djathtën por vonon pasimin në qendër dhe i dhuron rivënien fundore madrilenëve. (VIDEO)
1’ Nis dueli në Varshavë.
FORMACIONET ZYRTARE
REAL MADRID: Kurtua; Karvahal, Militao, Rudiger, Mendi; Valverde, Tçuameni, Bellingham; Rodrigo, Mbape, Vinícius.
Trajner: K. Ançeloti
ATALANTA: Muso; Kolashinac, Hlen, Gjimshiti; Zapakosta, De Run, Ederson, Ruxheri; Pasaliç, De Keteleare, Lukman.
Trajner: Xh. Gasperini
PANORAMASPORT.AL