Rumania do të përballet me Holandën, takim i vlefshëm për fazën e 1/8-ave të Kampionatit Europian 2024.
Ballkanasit arritën të kualifikohen nga faza e grupeve, pasi kryesuan Grupin E me 4 pikë të koleksionuara. Rumunët arritën të merrnin 1 fitore, 1 barazim dhe 1 humbje, në një grup ku të gjithë përfunduan me pikë të barabarta, por një kombinim rezultatesh bëri të mundur që Rumania ta kryesonte atë para ekipeve si Belgjika, Sllovakia apo Ukraina. Ata duan të tregojnë forcën dhe të shkruajnë historinë sot, nëpërmjet një fitoreje kundër holandezëve.
Nga ana tjetër, Holanda, pati një rrugëtim të vështirë deri këtu. Edhe ata arritën të koleksiononin 4 pikë, me të njëjtat rezultate, por humbja në takimin e fundit kundër Austrisë djeg shumë për ekipin e Ronald Kumanit. Ata treguan shumë problematika në lojë gjatë 3 takimeve të para, dhe shumica thojnë që fati i ndihmoi që të kualifikoheshin. Pikërisht ky është synimi kryesorë i “tulipanëve”, që t’i shuajnë këto kritika dhe t’i tregojnë Europës që janë pretendent për fitimin e trofeut.
REZULTATI LIVE | RUMANI HOLANDË 0-1
19′ Gakpo
NGJARJET KRYESORE
45+3′ Mbyllet pjesa e parë në Mynih.
45+1′ Haxhi i përfiton nga një pasim i gabuar i Van Dajk dhe zotëron topin, pason te Dragush që liron të djathtë por gjuajtja pritet nga portieri Verbrugen. (VIDEO)
45′ Gjyqtari akordon 3 minuta shtesë.
44′ Dumfris rrëmben një top nga këmbët e Mogos dhe pason për Simons në qendër, por ky i fundit vonohet shumë dhe nuk arrin të godas në mënyrën e duhur duke e çuar topin jashtë. (VIDEO)
41′ Janë holandezët që kanë marrë kontrrollin e lojës, rumunët mbyllen mbrapa.
39′ Zëvendësim i detyruar te Rumania, del nga fusha i dëmtuar Mogos dhe futet Rakovitan.
38′ Ake hedh një top të gjatë për Depajn në zonë, ky i fundit e kontrrollon topin por largohet nga Dragushin në momentin e fundit.
34′ Që nga momenti që shënuan golin, holandezët janë zgjuar dhe tani më kërkojnë edhe të dytin për të thelluar avantazhin.
31′ Sërish është Damfris që shkëputet nga krahu i djathtë dhe tenton të shërbejë për Depajn që gjendej i lirë në zonë por mbrojtësi rumun Dragushin largon rrezikun duke hequr një gol të sigurtë. (VIDEO)
29′ Reijnders hedh një top të bukur në krahun e djathtë për Dumfris, ky i fundit provon ta hedh sferën në qendër por largohet përsëri nga mbrojtja rumune.
27′ De Vraj godet një top me kokë, i ardhur nga goditja e këndit por prek vetëm rrjetën e jashtme. (VIDEO)
26′ Dumfris kroson një top në zonë dhe topi korrombolohet dhe shkon në këmbët e Reijnders, ky i fundit godet por sfera bllokohet nga mbrojtja rumune. (VIDEO)
24′ Haxhi hedh një top nga krahu i majtë për në qendër të zonës për Marin, me këtë të fundit që nuk godet siç duhet dhe e humbet rastin e shënimit. (VIDEO)
19′ GOOOOOOOOOOL HOLANDA! Një aksion individual nga Kodi Gakpo, i cili driblon kundërshtarët nga krahu i majtë dhe lëshon një goditje në shtyllën e parë duke e bërë të pamundur për portierin Nita ta pres topin. (VIDEO)
17′ Zgjohen holandezët, provojnë me forca të pakta ta rrezikojnë portën ballkanase por nuk ia dalin dot.
14′ Marin provon të godasë me të majtë nga jashtë zone, me topin që shkon ngjitur me traversën. (VIDEO)
13′ Hidhet një top për Dragush në qendër të zonës por ky i fundit nuk e kontrrollon dot dhe humbet mundësinë e shënimit.
10′ De Vraj lë një top të vështirë për portierin Verbrugen që detyrohet ta shkelmojë jashtë sepse ishte nën presionin e Dragushin.
8′ Haxhi çan mesfushen “tulipane” dhe hedh një top në zonë për Dragush, por Ake ndërhyn dhe largon rrezikun.
6′ Simons provon goditjen nga distanca por është qendore dhe shkon në duart e portierit Nita. (VIDEO)
2′ Dragush kroson nga krahu i djathtë për Haxhin në qendër por atje është Dumfris që e largon topin me kokë.
1′ Starton ndeshja në Mynih.
FORMACIONET ZYRTARE
RUMANIA (4-1-4-1): Nita; Ratiu, Dragushin, Burça, Mogosh; Marin; Man, Staniçu, Marin, Haxhi; Dragush | Trajner: Eduard Iordanesku
HOLANDA (4-3-3): Verbrugen; Ake, Van Dajk, De Vraj, Dumfris; Reijnders, Simons. Sshouten; Gakpo, Depaj, Berguijn | Trajner: Ronald Kuman
SONI SALIHI-PANORAMASPORT.AL
