Milani duket sikur ka dalë nga kriza e rezultateve në javët e kaluara me tre fitore radhazi në kampionat dhe sot kuqezinjtë do të kërkojnë të katërtën përballë Udinezes në transfertë.
Një ndeshje delikate për skuadrën e Piolit, që kërkon të vendosë në trysni ekipet që ka më lart në renditje, Interin e Juventusin. Përballë skuadrës që lufton për mbijetesë, synohet që me tre pikët ekipi të kthehet përsëri protagonist në garën për titull të cilën në pjesën e parë të sezonit e ka parë shpesh nga distanca.
LIVE: UDINEZE-MILAN 1-1
Samarxhiç 42′ / Loftus-Çik 31′
KOMENTI LIVE:
Mbyllet pjesa e parë!
45′ Akordohen 6 minuta shtesë.
42′ GOOOOL UDINEZE 1-1/ Vendoset baraspesha, Samarxhiç realizon me një gjuajtje në hyrje të zonës, duke e dërguar topin në cepin e portës. (VIDEO)
38′ Majk Menja rikthehet në fushë. (VIDEO)
33′ Ndeshja braktiset për afro 5 minuta nga Majk Menja, për shkak të thirrjeve raciste të tifozëve të Udinezes. (VIDEO)
31′ GOOOOL MILAN 0-1/ Zhbllokohet sfida, skuadra e Piolit kalon në avantazh me anglezin Loftus-Çik. Mesfushori goditi saktë në afërsi të pikës së penalltisë pas asistit të Teo Hernandez, duke tundur rrjetën. (VIDEO)
27′ Milani rrezikon sërish me Adli, që provon nga goditja e dënimit, por tentativa e tij grushtohet në këndore nga portieri.
16′ Rastin e parë të rrezikshëm e regjistron Milani me anë të Zhiru, që gjuan bukur nga e majta e zonës, por topi ndalet nga portieri Okoje, që i mohon golin sulmuesit francez. (VIDEO)
13′ Ende asnjë gjuajtje e rrezikshme në portat respektive. Milani shfaqet më kërkues në këto momente, por mungon saktësia para portës.
1′ Starton sfida!
FORMACIONET ZYRTARE
UDINEZE (3-5-1-1): Okoje; Ferreira, Perez, Kristensen; Ebosele, Lovriç, Uollas, Samarxhiç, Kamara; Pereira; Luka.
Trajner: G. Çofi
MILAN (4-2-3-1): Menja; Kalabria, Kjaer, Gabia, Hernandez; Rejinders, Adli; Pulisiç, Loftus Çik, Leao; Zhiru.
Trajner: S. Pioli
PANORAMASPORT.AL
