Ukraina do të përballet me Belgjikë në Shtutgart, takim i vlefshëm për Grupin E të Kampionatit Europian 2024.
Ukraina vjen me moralin lart në këtë përballje, pas fitores me shifrat 1-2 kundër Sllovakisë, por në përballjen e parë të grupit, ato u poshtëruan nga Rumania duke humbur me shifrat e thella 3-0. Ky është shansi i fundit për ukrainasit që të kualifikohen, pasi në total kanë grumbulluar 3 pikë, dhe i duhet një rezultat pozitiv sot për të ecur për më tej.
Nga ana tjetër Belgjika, nuk e filloi në mënyrën më të mirë Europianin, pasi humbi kundër Sllovakisë në sfidën e parë, dhe rikuperuan situatën disi me fitoren kundër Rumanisë. Belgëve nuk u lejohen më gabime, pasi kjo është ndeshja e fundit e grupit, dhe një rezultat negativ mund t’i bëjë De Bryjnen dhe shokët e tij të marrin valixhen dhe të nisen për Bruksel.
LIVE UKRAINË-BELGJIKË 0-0
NGJARJET KRYESORE
21’ Edhe Dovbik provon të bëjë të njëjtën gjë me një gjuajtje nga jashtë, pa ia dalë të çojë sferën në katërkëndor.
20’ Jaremçuk lëshon një gjuajtje të fortë nga distanca, sfera kontrollohet në dy kohë nga Kastels, (VIDEO)
19’ De Bryjn mundohet të nisë Lukakun drejt portës, sfera devijohet nga mbrojtja e vëmendshme ukrainase e cila nuk lejon hapësira.
13’ Dominim total në lojë i Belgjikës, e cila ka kthyer ukrainasit në gjysmëfushën e saj, duke kërkuar që të gjejë një gol të shpejtë.
7’ Lukaku shfaqet rrezikshëm në zonë, por portieri Trubin kontrollon gjuajtjen e tij të lehtë nga e majta. (VIDEO)
3’ Menjëherë në sulm ukrainasit të cilëve u duhet medoemos fitorja, një harkim nga e majta shkon direkt në duart e portierit belg.
1’ Nis dueli me shkelmimin nga qendra të Belgjikës.
FORMACIONET ZYRTARE
UKRAINA (5-3-2): Trubin; Mikolenko, Matvjenko, Svatok, Zabarnji, Timçik; Sudakov, Brazhko, Shaparenko; Dovbik, Jaremnçuk | Trajner: Serxhi Rebrov
BELGJIKA (4-3-3): Kastels; Vertongen, Faes, Teat, Kastanj; De Bryjn, Onana, Tielemans; Doku, Lukaku, Trosard | Trajner: Domeniko Todesko
PANORAMASPORT.AL
