Alexis Mac-Allister e Dominik Szoboszlai janë dy afrimet më të fundit në mesfushë nga “të kuqtë” e Liverpool, mirëpo për bordin e këtyre të fundit duket se vetëm këto dy transferime nuk mjafton për të dominuar mesin e fushës.
Për këtë aryse, “të kuqtë” kanë bërë një ofertë zyrtare prej 37 milionë eurosh për talentin 19-vjeçar të mesfushës së Southampton, Romeo Lavia, mirëpo “shenjtorët” nuk janë në të njëjtën mendje me rivalët e tyre e për këtë arsye kërkojnë plot 50 milionë paund për kartonin e belgut.
Në krahun tjetër, vetë Lavia po ushtron “presion” ndaj “shenjtorëve” të Southampton, pasi e dëshiron një kalim te Liverpool, teksa mësohet se është arritur dhe akordi personal e shumë shpejt mund të vijë dhe zytarizimi.
Interesimi i Liverpool për 19-vjeçarin vjen pas shumë largimesh nga mesfusha e “të kuqve”, si Naby Keita, James Milner, Oxlade-Chamberlain e Arthur, ndërsa Jordan Henderson e Fabinho janë shumë pranë largimit, por ende nuk ka anjë zytarizim. /i.m /abcnews.al
