Një mbrëmje e çmendur në Champions League, me përmbysje të mëdha të arritura në frymën e fundit. Në raundin e parafundit të kësaj faze të turneut, Liverpool arrin fitoren e shtatë në 7 ndeshje. ‘Reds’ mundën 2-1 Lille dhe kualifikohen në raundin e 16-shes.
Megjithatë, kthesat e vërteta vijnë në Lisbonë dhe Madrid: Barcelona, në një moment e mposhtur 4-2 nga Benfica, arrin të sigurojë një fitore 5-4 në limitet e sfidës.
Atletico, ndërsa po humbiste 1-0 ndaj Leverkusenit, arrin të triumfojë me rezultatin 2-1 në final. Po 2-1 ishte dhe fitorja me përmbysje e Bolognas përballë Dortmundit.
Club Brugge dhe Juventus u ndalën në një barazim 0-0 mes tyre, ndërsa PSV arriti një fitore 3-2 në fushën e Crvena Zvezdës. Stuttgart ka marrë një fitore 3-1 në transfertë përballë Slovan.
