Skuadra e re kampione e Anglisë në futboll ka arritur vetëm barazim në përmbyllje të Premier Ligës.
Liverpool i Arne Slott ishte duke pësuar në pjesën e parë pasi Ismaila Sarr solli skuadrën mysafire Crystal Palace në epërsi në minutën e nëntë.
Të kuqtë mbetën me një lojtar më pak në fushë pasi Ryan Gravenberch u ndëshkua me kartonin e dytë të verdhë brenda vetëm shtatë minutash, 61 dhe 68.
Gjashtë minuta para përfundimit të duelit ylli egjiptian Mohamed Salah barazoi shifrat pas asistimit të holandezit Cody Gapko.
Liverpool ngriti kupën e kampionit të njëzet në historinë e klubit duke zënë vendin e parë me gjithsej 84 pikë, prej tyre 25 fitore, nëntë barazime dhe vetëm katër
humbje.
Sezonin e ardhshëm në ligën elitë nuk do të jenë Leicester City, Ipswich Town dhe Southampton, të cilët do të garojnë një rang më poshtë.
Arsenali sivjet u desh të kënaqej me vendin e dytë me 74 pikë që siguron Ligën e Kampionëve, sikurse edhe Manchester City, Chelsea, Newcastle United, në pozitat tre, katër dhe pesë, por edhe Tottenham nga pozita e shtatëmbëdhjetë pasi fitoi Ligën Evropa.
