Sulmuesi i Eintracht Frankfurt, Omar Marmoush, dëshiron t’i bashkohet Liverpool sezonin tjetër. për këtë arsye, menaxherët e tij janë në bisedime me “reds” për të gjetur një marrëveshje.
Sipas të përditshmes gjermane “Bild”, bisedimet kanë kohë që kanë nisur, me sulmuesin 25-vjeçar që po shkëlqen në kampionatin gjerman. Këtë sezon, ai ka realizuar 11 gola dhe 7 asist.
Marrëveshja nuk do të jetë e lehtë të arrihet, pasi Marmoush ka një kontratë deri në vitin 2027 me Frankfurt. Ndaj, për largimin e tij, ekipi i Liverpool duhet të paguajë 55 milionë euro.
Në fakt, Liverpool ka kohë që e ndjek Marmoush, pasi e konsideron si personin e duhur për të zëvendësuar Mohamed Salah, që i skadon kontrata në fund të sezonit. Duket se një tjetër egjiptian do të zëvendësojë legjendën Salah.
