Trajneri i Liverpool-it, Arne Slot, publikoi një mesazh të gjatë në kanalet zyrtare të Reds për të bërë një bilanc të kësaj pjese të parë të sezonit: “Ne jemi ende në gjysmën e parë të sezonit, por po i afrohemi pikës ku të gjithë kanë luajtur gjysmën e ndeshjeve të tyre dhe kjo do të jetë koha kur ne do të kemi një ide më të qartë se ku jemi”.
“Kjo është arsyeja pse unë gjithmonë kam thënë se gjykimet para kësaj faze nuk janë të sakta. Vetëm kur secila skuadër ka luajtur kundër njëra-tjetrëa, ne do të fillojmë të kuptojmë më mirë se çfarë po bëjmë të gjithë”.
“Për këtë arsye, dhe shumë të tjera, dua ta mbyll këtë gjysmë sezoni sa më mirë. Asnjë çmim nuk do të jepet gjatë kësaj periudhe, por sa më gjatë të qëndrojmë në pozicionet e para, aq më e fortë do të jetë ideja që do të kemi për të ndërtuar dhe për të ecur përpara”.
