Liverpooli është në kontakt me Bayer Leverkusenin për një transferim të mundshëm të mbrojtësit anësor holandez, Jeremie Frimpong, gjatë merkatos së dimrit ose verës.
Sipas ‘Caught Offside’, klubi i Premier League është i vendosur të forcojë opsionet e tij mbrojtëse, dhe Frimpong, i cili ka mahnitur në Bundesligë nën drejtimin e Xabi Alonsos te skuadra e Leverkusenit, ka dalë si një objektiv kryesor.
Holandezi ka tërhequr vëmendjen e trajnerit Slot dhe drejtuesve të klubit për shpejtësinë e tij, aftësitë e shkëlqyera teknike dhe kontributin e tij të vazhdueshëm ofensiv nga krahët.
Pasi ka treguar tashmë vlerat e tij në Gjermani, Frimpong mund të shtojë cilësi të mëtejshme në formacionin e Liverpool-it. Megjithatë, Leverkuseni pritet të kërkojë një shumë të konsiderueshme për talentin e tij, çka sugjeron se negociatat mes palëve nuk do të jenë të lehta.
Interesi i Liverpool-it për Frimpong reflekton kërkimin e tyre të vazhdueshëm për një mbrojtës të djathtë që mund të plotësojë ose potencialisht të zëvendësojë Trent Alexander-Arnold, i cili këtë sezon ka luajtur në pozicione më qendrore. Ndërsa bisedimet vazhdojnë, mbetet për t’u parë nëse Frimpong do të transferohet në Anfield në të ardhmen e afërt, por planet e merkatos së klubit tregojnë synimin për të ndërtuar një skuadër të aftë për të konkurruar në nivele të larta në shumë fronte.
