Trajneri i ri i Liverpoolit, Arne Slot tashmë ka ide të qarta për merkaton e klubit.
Objektivi i sulmit është Olie Uatkins , një sulmues i cili me 19 golat e tij në ligë ndihmoi Aston Vilën të kualifikohej në Ligën e Kampionëve.
Siç raporton “The Sun” , “të kuqtë” janë në gjurmët e lojtarit, i cili së fundmi ka rinovuar me Vilën deri në vitin 2028.
Uatkins mund të zëvendësojë Darvin Nunjezin në sulmin e ekipit anglez.
Në fakt, Liverpooli thuhet se po mendon për të ardhmen e sulmuesit uruguaian, i cili ka disa ditë që po kontakton me Barcelonën. Ai e mbylli sezonin me vetëm 11 gola në 36 paraqitje në Premier Ligë.
