E ardhmja e sulmuesit uruguaian, Darëin Núñez, te Liverpool është vënë në pikëpyetje. 25-vjeçari nuk është pjesë e planeve prioritare të klubit për sezonin e ardhshëm dhe gjithçka tregonte për një largim të mundshëm gjatë merkatos së verës.
Megjithatë, ai ka bërë të qartë një gjë: nuk e konsideron aspak opsionin për t’u transferuar në Arabinë Saudite.
Sipas të përditshmes angleze Mirror, Núñez nuk e sheh me sy të mirë kalimin në kampionatin saudit, edhe pse ai është një nga destinacionet e pakta që mund t’i ofrojë një pagë të lartë dhe t’i sigurojë Liverpoolit një shumë të rëndësishme transferimi.
Ky refuzim ndërlikon ndjeshëm planet e klubit anglez, i cili duhet të shesë lojtarë për të balancuar financat.
Liverpooli ka përforcuar skuadrën me Florian Ëirtz për një shifër rreth 140 milionë euro, dhe synon të vazhdojë me afrime të tjera në repartin ofensiv. Një nga objektivat është anësori i PSG-së, Bradley Barcola, për të cilin klubi francez kërkon një shumë të konsiderueshme.
Në këtë kontekst, qëndrimi i Núñez paraqet një pengesë për planifikimin sportiv të klubit, i cili ka nevojë për largime të mëdha për të realizuar përforcimet e dëshiruara. Tani, Liverpooli duhet të gjejë një alternativë tjetër për ta transferuar uruguaianin, ose të pranojë ta mbajë në ekip një lojtar që aktualisht nuk është në planet e trajnerit..
