Liverpooli me fitore bindëse kualifikohet në gjysmëfinale të Carabao Cup

Liverpool ka arritur që me lehtësi të mposht West Ham, për t’u kualifikuar në gjysmëfinale të Carabao Cup.

Skuadra e Jurgen Klopp fitoi me rezultat bindës 5:1, shkruan lajmi.net.

Dominik Szoboszlai hapi rezultatin me golin e shënuar në minutën e 38-të, derisa Curtis Jones dyfishoi epërsinë në minutën e 56-të.

Liverpool nuk u ndal me kaq dhe Cody Gakpo thelloi epërsinë e skuadrës së tij.

Jarrod Bowen u duk se riktheu West Hamin në lojë, por vetëm pesë minuta më vonë Liverpool shënoi përsëri.

Jones vulosi fitoren dhe rezultatin përfundimtar 5:1.

“The Reds” i bashkohen Chelseat, Fulhamit dhe Middlesbroughit në gjysmëfinale të këtij kompeticioni.

Liverpool është skuadra më e suksesshme në këtë kupë me nëntë tituj. /Lajmi.net/