Liverpuli i ka fituar të katërta ndeshjet e tyre në Ligën e Kampioneve nën drejtimin e Slotit. Kjo është vetëm hera e dytë që ata i kanë fituar 4 ndeshjet e tyre të para në një sezon të vetëm (nën drejtimin e Jyrgen Klopit në 2021-22 fituan 7 të parat).
“Reds”-at po shkëlqejnë nën drejtimin e holandezit, i cili tha pas fitores me “poker” ndaj Leverkusenit. “Unë nuk e di nëse kjo ka të bëjë shumë me intensitetin, por ne ndërmorëm më shumë rrezik. Ata e mbingarkuan mesfushën shumë dhe ne morëm rrezikun që të luanim një kundra një. Patëm shanset më të mira në pjesën e parë dhe ata nuk kërcënuan”.
Ai nuk dëshiron që të flitet për trofe në këtë moment, ndërsa shtoi: “Ti si trajner nuk sheh shumë larg në tre muajt e ardhshëm. Ti e merr gjithnjë ndeshje pas ndeshje. Të shtunën kemi përballjen me Aston Vilën, një tjetër ndeshje e fortë”. Pastaj edhe një vlerësim për kapitenin Van Dajk: “Ndonjëherë kritikohet se nuk del në mesfushë. Por unë i këshilloj ata njerëz që ta shohin ndeshjen”.
PANORAMASPORT.AL
