Albi Mall Superliga e Kosovës vazhdon sot me dy ndeshjet e fundit të xhiros së 10-të që janë në program për tu zhvilluar.
Padyshim që dueli kryesor jo vetëm i kësaj dite, por i tërë xhiros është ai në Podujevë mes Llapit dhe Dritës.
Dy skuadrat e kreut të tabelë do t’i masin forcat në stadiumin ‘Zahir Pajaziti’ në një ndeshje që pritet të jetë e zjarrtë.
Llapi vjen në këtë duel pas fitores ndaj Lirisë së Prizrenit në të njëjtin stadium, derisa Drita është në seri të mirë prej katër fitoreve radhazi.
Si vendasit ashtu edhe mysafirët kërkojnë vetëm tre pikët në tabelë në mënyrë që t’i qëndrojnë sa më afër liderit aktual Ballkanit.
Dueli tjetër i kësaj dite zhvillohet në stadiumin ‘Liman Gegaj’ në Malishevë.
Malisheva pas humbjes nga Drita kërkon këndelljen në përballje me Dukagjinin e Klinës.
Vendasit synojnë të rikthehen te rezultatet pozitive, derisa klinasit pas disa barazimeve radhazi synojnë fitoren.
