Për Markus Turam nuk mund të kishte pasur një fat më të madh, ndonëse Interi ndërkohë dihet se është në kërkim të një tjetër sulmuesi, një lojtari që të bëjë numrin 9 në zonë. Gjithsesi, deri atëherë francezi i ardhur nga Borusia Mynshengladbah, do të jetë i sigurt se është ai krahu i djathtë i Lautaro Martinezit.
Fakti që zikaltrit kanë mbyllur çdo lloj marrëdhënieje me Romelu Lukakun, atë që shihej si titullari i sezonit të ardhshëm, duke formuar dyshen e famshme të “Lu-La”-s me argjentinasin, papritur kjo hipotezë ka sfumuar.
Tradhtia e gjiganti belg me Juventusin nuk i pëlqeu Interi dhe këta të fundit as që e falën, pavarësisht tentativës për të kërkuar falje.
Dhe tani, në pritje edhe të miqësoreve të ardhshme, Turam e sheh autostradë përpara që të punojë dhe të kërkojë që të bindë sa më shpejt trajnerin Simone Inazgi se titullari i ardhshëm i Interit mund të jetë pikërisht ai dhe pse jo, me Lautaron mund të jetë ndoshta një dyshe tjetër nga formati që kishte në kokë Inzagi, por goleadorësh.
Fundja, edhe tifozët e Interit janë shumë kuriozë që të shohin në aksion Markus Turamin, pasi pavarësisht se babai i tij ka qenë gjithmonë një kundërshtar dhe për më shumë një mbrojtës, mbiemri që mban në fanellë është shumë i rëndë dhe pse jo, ajo që tashmë është etiketuar ti “Tu-La” të jetë edhe më efikase se “Lu-La”.
PANORAMASPORT.AL
