Për përfundimit të sfidës së parë, të kësaj të hëne, të vlefshme për javën e 7-të të Kategorisë Superiore, midis Kukësit dhe Erzenit, që përfundoi me fitoren, 2 me 1, të “verilindorëve”, në orën 18:00 do të zhvillohet përballja Dinamo City-Vllaznia, në “Elbasan Arena”.
Të dy ekipet përballen me mungesa të rëndësishme dhe trajneri Di Biagio ka bërë edhe një herë lëvizje në rreshtimin e skuadrës së tij, duke kthyer në vijën e parë të sulmit nga minuta e parë Lorenco Vilën.
Ndërsa të Vllaznia, Memelli i ka besuar përsëri Grudës nga minuta e parë përkrah Malajt në sulm, teksa ka mbajtur në pankinë Çobën, por edhe blerjet e afruara gjatë verës si Dodev e Çeshmedjev.
Formacionet zyrtare:
DINAMO: Rexhepi, Mesa, Marku, Samake, Tusha, Denison, Gudiabi, Lorran, Allmuça, Zabërgja, Vila.
Trajner: Luigi Di Biagio
VLLAZNIA: Mëhidri, Pusi, Juriç, Stojanoviç, Sala, Alivoda, Boshnjaku, Krymi, Mala, Gruda, Balaj.
Trajner: Migen Memelli /i.m /abcnews.al
