Janë luajtur ndeshjet eliminatore të Kupës së Shqipërisë në basketboll për meshkuj.
Në këtë fazë të parë të këtij turneu morën pjesën 6 skuadrat e Kategorisë së Parë dhe dy ekipet që u renditën më dobët në Superligë në fund të fazës së parë, Tirana e Kamza Basket.
Ndeshjet e fazës eliminatore ishin me eliminim direkt dhe në fazën cerekfinale shkuan 4 skuadrat më të mira: Tirana, Partizani, Kamza Basket dhe Elbasani. Ato iu bashkuan katër skuadrave të tjera të Superligës, të kualifikuara direct: Besëlidhja, Teuta, Vllaznia dhe Apolonia.
Në takimet e fazës eliminatore nuk pati asnjë surprizë. Tirana fitoi me lehtësi 80-61 ndaj Flamurtarit, ndërsa Kamza Basket mundi thellë 119-50 Pogradecin.
Fiton edhe ekipi i Partizanit, që mundi 88-66 Fieri Basket, ndërsa Elbasani eliminoi Skënderbeun pas fitores 114-87.
