Trajneri i Spanjës, Luis de la Fuente, është i bindur se ekipi i tij ka potencial të madh dhe shpreson për një paraqitje të mirë në Kampionatin Evropian të Futbollit.
“Çdo ekip bëhet i fortë dhe shumë i rrezikshëm kur talenti kombinohet me krenarinë kombëtare. Kjo është ajo që unë përpiqem të rrënjos në ekip. Ne kemi shumë lojtarë të talentuar. Shumë prej tyre janë thjesht të pakrahasueshëm“, tha de la Fuente, transmeton GazetaBlic Sport.
Kombëtarja e Spanjës do të luajë kundër Kroacisë, Italisë dhe Shqipërisë në fazën e grupeve të Euro 2024.
Në raundin e parë, spanjollët do të përballen me Kroacinë më 15 qershor.
/GazetaBlic Sport
