Në pritje të ndeshjes mes PSG-së dhe Monacos, këtë të premte, Luis Enrique u pyet për interesimin e pretenduar të klubit të tij për Rafael Leão, për të zëvendësuar Kylian Mbappe, i cili duket se do të largohet për në Real Madrid, dhe bëri shaka për situatën:
“Kush? A është ai një këngëtar? Jo, është një shaka… Unë e di se kush është Leao, por nuk dua të diskutoj një lojtar që nuk është në klubin tim. Unë thjesht e di këtë, nëse gjithçka shkon mirë, sezonin e ardhshëm do të kemi një skuadër shumë më të mirë se sivjet. Në çdo aspekt, në sulm, në mbrojtje, taktikisht… Nuk kam asnjë dyshim për këtë”, shpjegoi ai, duke hedhur poshtë edhe zërat që tregonin se ai do të pasonte Xavi në Barcelonë.
/GazetaBlic Sport
