Gazeta franceze ‘L’Equipe’ pretendon sot se Paris Saint-Germain po finalizon detajet me Luis Enriques si trajner të ri.
Julian Nagelsmann kishte qenë në negociata të avancuara përpara se të dy palët të kuptonin se nuk ishin në të njëjtën ide, ndërsa trajneri i Romës Jose Mourinho u konsiderua dhe më pas u hodh si opsion, transmeton lajmi.net.
Thiago Motta ishte shfaqur si favorit gjatë dy ditëve të fundit, pasi do të ishte një rikthim në klubin ku ai punoi si lojtar nga viti 2012 deri 2018 dhe më pas si trajner i ekipit të tyre të të rinjve në sezonin 2018-19.
Megjithatë, “L’Equipe” janë të bindur se PSG tani po përpunon detajet përfundimtare të marrëveshjes së tyre me Luis Enrique.
Luis Enrique ishte trajner i Romës në sezonin 2011-12, më pas mori Spanjën në Kupën e Botës dhe kohët e fundit ishte lidhur me postin e trajnerit të Napolit./Lajmi.net/
