Romelu Lukaku ka thyer heshtjen dhe ka dhënë pikëpamjen e tij mbi situatën që e përfshiu negativisht ditët e fundit. Në postimin e fundit në Instagram, sulmuesi i Napolit, ende në Belgjikë për trajtim të dëmtimit pa miratimin e klubit, shkruan: “Ky sezon ka qenë shumë e vështirë për mua, mes dëmtimit dhe humbjes së babait.
E di që ka pasur shumë zhurmë rreth situatës time ditët e fundit, ndaj është e rëndësishme të sqarohet gjithçka. E vërteta është se javët e fundit nuk ndihesha mirë fizikisht; kontrolli në Belgjikë tregoi inflamacion dhe lëng mbi muskujt fleksor të ijëve, pranë indeve të plagës, pasi është problemi i dytë që kam pas kthimit në fillim të nëntorit.
Zgjodha të bëj rehabilitimin në Belgjikë për t’u siguruar që do jem gati kur të më thërrasin. Nuk mund t’i kthej kurrë shpinën Napolit, kurrë. Nuk ka gjë që dua më shumë se të luaj dhe të fitoj me ekipin tim, por tani duhet të jem 100% klinikisht. Sezoni ka qenë intensiv, por do të jem gati për Napolin dhe për kombëtaren”.
