Të dielën Kosova pret Izraelin me fillim nga ora 20:45.
Në një intervistë ekskluzive për lajmin.net ka folur kryetari i “Dardanëve”, Lulzim Berisha.
“Ne jemi në përgatitje të sipër. Deri më tani gjithçka është e kënaqshme. Janë organet e drejtësisë ato që do të merren me ndonjë incident. Unë nuk besoj që do të ketë ndonjë problem, pasi njerëzit në Kosovë njihen si paqësor. Ne nuk jemi pro luftës. Sporti është për mu përkrahë Kosova. Ne nuk jemi pro luftës, jemi kundër vrasjes së fëmijëve. Ne jemi vetë prindër dhe e kemi parasysh çka është me pësuar pasi kemi qenë vetë në luftë”, tha ai.
Ai ka shtuar se nuk do mirëpres kundërshtarin, por do ta përcjellë me tre gola.
Intervistën e plotë mund ta ndiqni më poshtë.
Kosova tashmë ka gjasa minimale për një kualifikim të mundshëm, pasi “Dardanët” janë në vendin e katërt në renditje me vetëm shtatë pikë.
Izraeli është një pozitë më lartë me 11 pikë, por ka edhe një ndeshje më pakë të zhvilluar se Kosova. /Lajmi.net/
