Alexis Mac Allister ndihet shumë i lumtur për transferimin e tij te Liverpool, duke thënë se kjo është një ëndërr e realizuar dhe se mezi pret të luajë për “Reds”.
24-vjeçari ka përfunduar me sukses testet mjekësore dhe ka rënë dakord për kushtet personale për t’u bërë nënshkrimi i parë i klubit anglez në merkaton e verës.
“Ndihem mrekullueshëm. Është një ëndërr e realizuar, është e mrekullueshme të jesh këtu dhe mezi pres të filloj”, ka thënë fillimisht Mac Allister për “Liverpoolfc.com”.
“Doja të isha që nga dita e parë e para-sezonit, kështu që është mirë që gjithçka është bërë. Mezi pres të takoj shokët e skuadrës. Ishte një vit fantastik për mua, Kupa e Botës, ajo që arritëm me Brighton, por tani është koha të mendojmë për Liverpoolin dhe të përpiqemi të jemi një lojtar më i mirë dhe një qenie njerëzore më e mirë çdo ditë”.
Lëvizja e Mac Allister në Anfield vjen pas tre sezone e gjysmë të suksesshme në Brighton pas një kalimi në janar 2019 nga Argentinos Juniors, ku ai u kthye menjëherë në huazim për gjashtë muaj deri në një stazh të mëtejshëm të përkohshëm me Boca Juniors./ h.ll/abcnews.al
“It’s amazing to be here and I can’t wait to get started”
Watch @alemacallister‘s first interview as a Red in full on @LFCTV GO 🔴
— Liverpool FC (@LFC) June 8, 2023
