Maget Gueje ishte shitja e madhe e Partizanit në merkaton e verës. Pas insistimit të shumë klubeve gjatë gjithë verës, pas eliminimit nga Liga e Konferencës, Partizani vendosi ta shesë senegalezin në Spanjë, te Racing Santander.
I riu e nisi sezonin ngadalë, duke u aktivizuar kryesisht në fund të ndeshjes, por në këtë fund kampionati duket se ka arritur të bindë stafin teknik që ta aktivizojë në ndeshje vendimtare, ku diskutohet ngjitja në La Liga. 22-vjeçari ishte titullar në ndeshjen e fundit kundër Deportivo La Korunja, e fituar 2-1 nga Racing.
Madje senegalezi ka arritur të dhurojë një paraqitje pozitive, duke përshkruar 12.2 kilometra më shumë se i gjithë ekipi i tij në këtë sfidë. Racing aktualisht është me pikë të barabarta me Levanten në garën për vendin e dytë, që të ngjit menjëherë në La Liga.
PANORAMASPORT.AL
